Orða

Húsbóndanum var um helgina veitt æðsta orða Hrútavinafélagsins Örvars. Þessar myndir eru frá þeirri merkilegu athöfn.

Úlpa

Þessa stórglæsilegu úlpu fékk ég í afmælisgjöf frá húsbóndanum. Hún er hlý, létt, flott og nógu ermalöng. Það er sko ekki sjálfgefið skal ég segja ykkur.
Hann keyrði alla leið að Skógum til að kaupa hana, undir því yfirskyni að þurfa ,,aðeins að skreppa upp í skóla". Mér verður sko ekki kalt í vetur.

ESB tuskan

Svona í tilefni dagsins þá er ekki úr vegi að minna á efnahagsborðtuskuna sívinsælu. Hún er aktuel sem aldrei fyrr, þeir sem gleðjast yfir fréttum dagsins geta búið henni heiðurs sess á heimilinum, hinir geta svoleiðis nuddað henni upp úr skítnum og látið hana finna fyrir því.

Uppskriftin hefur fengið nýtt heimili en hún er sem fyrr líka á ravelry.

Annað afmæli

Defending the young, originally uploaded by Harpa J.

Mitt!

Afmæli

Drengurinn minn, þessi fjallmyndarlega elska, átti afmæli í gær. Hann er orðinn heilla fimmtán ára og löngu vaxinn mér yfir höfuð.

Ég gat því miður ekki fagnað þessum áfanga hér á síðunni á réttum degi, tölvan mín var í hálfgerðri gíslingu vegna lanmóts - sem var stór hluti af heppnuðum afmælisfagnaði drengsins.

Í nýju peysunni

By the rainbow, originally uploaded by Harpa J.

In her new cardigan, originally uploaded by Harpa J.

Ný peysa

Heimasætan fékk nýja peysu um daginn. Hún er prjónuð úr einföldum plötulopa. Það eru fleiri myndir hinum megin.

Vinningur!

Verið þið alveg róleg - ég vann ekki í lotto, hvorki þessi innlenda né samnorræna. Hvað þá das eða síbs, þar hef ég aldrei átt miða.

Ég vann hvorki meira né minna en útilegustól í sumarleik Kjarvals - en það er sem sagt matvöruverslunin hérna í plássinu og plássunum í kring. Hreinræktuð dreifbýliskeðja sem sagt - en þegar stúlkan frá auglýsingastofunni (sem er í Kópavoginum) hringdi til að segja mér góðu fréttirnar þá spurði hún hálf vandræðalega hvort ég ,,byggi úti á landi" og hvort ég gæti fengið einhvern til að sækja stólinn fyrir mig. Þau gætu nefnilega eiginlega ekki sent út á land. Það finnst mér svolítið fyndið.